Apne Shah SavaaroN ko, Urdu Ghazal Poetry, Urdu Heart Touching Ghazal Poetry, Sad Urdu Ghazal Poetry, Sad Urdu Ghazal Poetry Images

Apne Shah SavaaroN ko

Qatl karne WaaloN se....

khooN baha talab karna

WaarisoN pe waajib tha,..

QaatiloN pe waajib tha

khooN baha ada karna..

Waajibaat ki takmeel

munsifoN pe waajib thi..

(musnifoN ki nigraani

qudsioN pe waajb thi)..

Waqt ki adaalat meiN

eik samt masnad thi..

ek samt khanjar tha

taaj-e-zar-nigaar ik samt

eik samt lashkar tha..

ik taraf thi majboori

ik taraf muqaddar tha..

taaife pukaar uTThe

"taaj-o-takht zindabaad!

saaz-o-rakht zindabaad!"

khalq ham se kehti hai, saara maajra likkheN

kis ne kis tarah paaya apna khooN baha, likkheN

chashm-e-nam se sharminda,

ham qalam se sharminda, 

"Sochte haiN kiya likkheN"??