Gulab chehray pay muskurahat,Urdu Ghazal Poetry 2014, Urdu Heart Touching Ghazal Poetry2014, Sad Urdu Ghazal Poetry 2014, Sad Urdu Poetry Images 2014

Gulab chehray pay muskurahat

Chamkti ankhon mein shokh jazbay

Wo jab bhi college ki serhiion say

Sahailion ko liye utarti

Tu esay lagta k dill mein utar rahi ho

Kuch is tyaqan say bat karti

K jesay duniya usi ki ankhon say dekhti hay

Wo apnay rastay pay dill bichati hoey nigaahon say hans kay kehti

Tumharay jesay bohat say larkon say mein yeh batein

Bohat say barsoon say sun rahi hon

Mein saahilon ki hawa hon , neelay samndroon k lye bani hon,

Wo sahilon ki hawa se larki

Jo raah chalti tu esa lagta kay jesay dill mein utar rahi ho

Ko kal mili tu usi tarha thee

Gulaab chehray pay muskurahat , chamkti ankhon mein shokh jazbay

K jesay chandi pighal rahi ho

Magar wo boli tu uss k lehjay mein wo thakan theee

K jesay sadion say dasht-e-zulmat mein chal rahi ho.